Нұр-Сұлтан қаласының Қоғамдық денсаулық сақтау басқармасының бастамасымен Елордада 23 қыркүйектен бастап туберкулезге қарсы «STOP туберкулез!» акциясы өтуде. Осыған орай «№ 1 қалалық емханада» ақпараттық-түсіндірмелік жұмыстар жүргізіліп жатыр. Фтизиатр дәрігер А.Т. Байшалова қабылдау кезінде пациенттердің сұрақтарына жауап берді. Бұдан бөлек флюорографиялық кабинетте емделушілерге туберкулездің алдын алу туралы ақпараттар берілді. Шара 23 қазанға дейін жалғаспақ.